Rreth një muaj më parë u bë me dije se televizioni “INtv” do të mbyllet.
Shkak për këtë u bë tërheqja e drejtuesit të ri dhe për pasojë i gjithë stafi u shpërnda.
Disa prej tyre kanë mbetur pa ekran ndonëse kanë zgjedhur të mos reagojnë lidhur me këtë ngjarje.
Por Ermal Peçi ka diçka për të thënë pas gjithë kësaj.
Nëpërmjet një postimi në Instagram, moderatori i “Trokit” ka treguar se për shkak të mbylljes së televizionit, këtë sezon emisioni i tij nuk do të transmetohet.
“Në çdo moment kam dashur të ndaj me ju gjithçka! Nuk do dëshiroja që interesimit tuaj të vazhdueshëm ti përgjigjem me heshtje… s’do isha unë! INtv nuk mundi të niste sezonin e ri ndaj kjo është arsyeja përse ‘Trokit’ nuk erdhi në ekranin tuaj! Në çdo eksperiencë ruaj gjithmone kujtimet më të bukura siç këto vite në INtv ishin plot dashuri me programet që aq shumë investova ‘Eurobeat’, ‘Një kat më lart’ dhe ‘Trokit’. Keni qenë aq shumë pranë këtyre programeve duke u bërë shtysa ime për gjithçka ndamë. Çdo gjë lë gjurmë! Eksperienca e ketyre tre viteve ishte IN dhe shumë dashuri! Të tjera na presin” ka shkruar Ermali.
Ai ka shtuar se derisa të ketë diçka tjetër në dorë do të përkushtohet në kërcimet e “Dance With Me”.
