Marsida Qatja, ka folur sërish për ngjarjen e rëndë që ndodhi në Kavajë dy ditë më parë, ku sipas të dhënave të deritanishme ajo ka qenë “molla e sherrit”.
Për shkak të saj, një person ka mbetur i vdekur dhe një tjetër është i plagusur jashtë rrezikut për jetën.
Marsida është në shtëpinë e saj dhe së fundmi ka dhënë një intervistë për “JOQ”.
Ajo ka treguar detaje të reja nga ngjarja dhe ka folur për marrëdhënien e saj me burrin në Gjermani.
Ajo ka thënë se ka folur me burrin dhe ai e bëson për çdo gjë që ajo ka thënë dhe se ajo është një njëri paqësor dhe me shumë shoqëri.
“Mbrëmë fola me burrin, absulutisht beson mua për çdo gje. ‘Thotë që e rendsishmja për mua është që ti dhe djali jeni mirë sido të jetë historia. Ai njeri s’duhej të futej brenda në shtëpi me armë, nëse nuk do vdiste nga Bledari do vdiste nga unë’. Une jam njeri paqësor dhe me shume shoqëri”, ka thënë Marsida.
