Modelja me famë botërore, Amber Rose, është bërë nënë për herë të dytë.
Ajo ka sjellë në jetë një djalë nga lidhja e saj me partnerin Alexander Edwards.
Vetë Alexander e ndau lajmin e bukur me ndjekësit e tij në Instagram, ku publikoi foton e parë me të birin e porsalindur.
Krahas fotos, ai i bëri një dedikim të veçantë partneres së tij, ndërsa zbuloi edhe emrin e pazakontë që kishin zgjedhur për të voglin, Slash Electric.
View this post on Instagram
“Slash Electric Alexander Edwards, bota është e jotja tani. Faleminderit Amber Rose që më do kaq shumë, saqë kalove me trupin tënd gjithë këtë, për të sjellë në jetë djalin tim. Kurrë s’do të jem kaq i fortë sa ty.”- ishin fjalët e tij.
Modelja 35-vjeçare është gjithashtu nënë e një djali 6 vjeç nga martesa e saj e parë me Whiz Khalifa-n.
