Këngëtarja e njohur, Big Mama, është munduar gjithmonë të jetë e rezervuar lidhur me jetën e saj personale.
Të pakëta janë rastet kur kemi mësuar diçka për jetën private të saj, të cilën e ruan hermetike.
Mirëpo, duket se kësaj here, Big Mama ka vendosur të mos e mbajë lumturinë vetëm për vete, por ta ndajë edhe me ndjekësit e saj.
Në profilin e saj në Instagram, këngëtarja ka publikuar foto me një model turk, i cili me siguri duhet të jetë partneri i ri.
Ai quhet Serhat Kaynarpinar dhe gjithashtu modeli ka ndarë në llogarinë e tij foto me këngëtaren shqiptare.
Me këtë veprim, mendohet se çifti ka “zyrtarizuar” lidhjen e dashurisë për të cilën askush nuk ishte në dijeni.
“Këto ditë të ftofta do ju sjell pak dashuri?… ?”- shkruan këngëtarja krahas fotove romantike buzë detit.
“Të dua”- janë fjalët e modelit turk në fotot me Big Mamën, ndërsa s’kanë munguar urimet e shumta për çiftin.
