Një ndeshje simbolike do të quhet ajo e Vllaznisë dhe Apolonisë për femra që do të hapë për herë të parë dyert e stadiumit të ri Kombëtar.
Kjo ndeshje do të mbahet më 3 nëntor, para asaj Shqipëri-Francë e cila do të zhvillohet më 17 nëntor.
Në fillim të nëntorit do të kemi mundësi të shohim përfundimin e punimeve dhe investimin e madh të realizuar nga Federata.
Njoftim i Federatës Shqiptare të Futbollit:
Historike, Stadiumi i Ri Kombëtar hap dyert me ndeshjen Vllaznia- Apoloni për femra
Stadiumi i Ri Kombëtar është në detajet e fundit përpara ceremonisë inauguruese, e cila do të zhvillohet në ndeshjen me Francën më datë 17 Nëntor. Punimet janë drejt fundit dhe gjithçka do jetë ne perfeksion për ndeshjen e fundit eliminatore për Euro 2020.
Federata Shqiptare e Futbollit ka përcaktuar ditën e sotme, gjatë hedhjes së shortit të kampionatit të futbollit të femrave, se ndeshja testuese e Stadiumi të Ri Kombëtar, e cila është e detyruar sipas rregullave të UEFA-s, do të jetë Vllaznia-Apolonia. Kjo ndeshje do të zhvillohet më datë 3 Nëntor, në mbrëmje. Kjo do të jetë dhe ndeshja e parë ku tifozët do të kenë mundësinë të shikojnë nga afër një ndeshje në investimin më të madh të realizuar nga Federata Shqiptare e Futbollit.
Kampionati i femrave do të fillojë këtë fundjavë dhe më poshtë janë ndeshjet e javës së parë:
Tirana AS – Bilisht Sport
Kinostudio- Juban Danja
Apollonia – Dajti
Maliqi- AAS
Teuta – Vllaznia
