Pasditen e sotme në rrugën “Mustafa Matohiti” është gjendur një person pa shenja jete.
38-vjeçari me iniciale R.B. është gjendur në makinën e tij, e cila ishte edhe e ndezur.
Policia bën me dije se në trupin e tij nuk ka shenja dhune dhe dyshohet se ai ka pësuar atak kardiak.
Megjithatë policia po punon për zbardhjen e plotë të ngjarjes.
Njoftimi i policisë:
“Rreth orës 16:00 në rrugën “Mustafa Matohiti” u gjet pa shenja jete, në automjetin e ndezur tip “BMW”, shtetasi R.B.,38 vjeç.
Nga kqyrja paraprake nuk u konstatuan shenja dhune, apo dëmtime të tjera.
Praprakisht dyshohet, të ketë humbur jetën si pasojë e arrestit kardiak.
Grupi hetimor ndodhet në vendngjarje ku po vijon punën për sqarimin e rrethanave të ngjarjes.”,– njofton policia.
