Fotot e dasmës së Hailey dhe Justin Bieber s’kanë fund!
Këngëtari ka publikuar së fundi dy foto ku shfaqet në momente tepër intime me bashkëshorten e tij.
Hailey është e ulur në karrige, ndërsa ka nxjerrë këmbën e saj elegante. Justin i ulur, mundohet t’i heqë shiritin me dhëmbë, ndërkohë që nusja ka veshur atlete.
Në një foto të dytë, çifti shfaqet i përqafuar, në mesin e pistës duke jetuar momentin në ditën më të rëndësishme të jetës së tyre.
Të rrethuar nga miqtë, Hailey dhe Justin janë përqafuar duke treguar kështu dashurinë e madhe që kanë për njëri-tjetrin.
Ata shkëmbyen premtimet për herë të dytë në një ceremoni para familjes dhe miqve të hënën që kaloi në Karolinën e Jugut.
