Prej dy muajsh, modelja e njohur Gigi Hadid po frekuentohej me aktorin Tyler Cameron, pas ndarjes së bujshme nga këngëtari Zayn Malik.
Tyler ishte personi i parë me të cilin Gigi nisi të dilte që prej periudhës kur i dha fund me Zayn dhe burime pranë dyshes treguan se ata kishin treguar pëlqim dhe interes për njëri-tjetrin.
Gigi dhe Tyler u fotografuan shpesh bashkë dhe aktori u pa disa herë të dilte nga shtëpia e modeles pasi kishin kaluar natën së bashku.
Madje, Tyler e shoqëroi Gigi-n në funeralin e gjyshes së saj në Hollandë.
Mirëpo, burime pranë çiftit treguan për “Entertainment Tonight” se ata i kishin dhënë fund, vetëm 2 muaj pasi shoqëroheshin së bashku.
Ndarja erdhi menjëherë pas deklaratës së Tyler se “mund të ishte single”, pasi u pyet gjatë një interviste nëse ishte i disponueshëm për femrat.
Kështu, ai e la të paqartë situatën e tij me Hadid, madje më herët e ka quajtur atë ‘mikeshë’, pa dashur të japë më shumë detaje për lidhjen me Gigi-n.
Mesa duket, kjo e ka çuar çiftin drejt ndarjes, megjithatë ende nuk dihet diçka konkrete për ndarjen e tyre.
