Prej disa ditësh, rrjeti po zien nga lajmet se Kylie Jenner dhe Travis Scott i kanë dhënë fund marrëdhënies së tyre.
Travis nuk e shoqëroi Kylie-n në dasmën e Justin Bieber, ndërsa 22-vjeçarja u pa të shoqërohej gjatë dasmës me ish-in e saj, Jaden Smith.
Më vonë, Kylie u fotografua duke shkuar drejt të njëjtës godinë ku ndodhej edhe ish-partneri i saj, Tyga.
Si të mos mjaftonin këto, ditën e sotme mediat shkruan se Travis e kishte tradhëtuar Kylie-n gjatë gjithë kësaj kohe me ish-in e tij, modelen Young Sweet Ro.
Pas këtyre lajmeve, miliarderja ka reaguar me një status në Twitter, ku ka sqaruar situatën me dy ish-at e saj, si dhe marrëdhënien me Tyga-n.
“Interneti i bën gjërat 100 herë më shumë dramatike nga ç’janë në të vërtetë. Nuk kishte asnjë takim në orën 2 të mëngjesit me Tyga-n. Më patë duke lënë dy miqtë e mi në studion në të cilën ndodhej edhe ai.
Unë dhe Travis i kemi marrëdhëniet shumë të mira dhe fokusi ynë kryesor tani është Stormi. Shoqëria dhe vajza jonë është prioriteti ynë kryesor.”- ka shkruar Kylie në postim.
Siç e lexuat! Ajo e quajti marrëdhënien me Travis shoqëri dhe na i shtoi dyshimet se gjërat mes tyre kanë marrë me të vërtetë fund!
Mbetet të presim reagimin e Travis.
