Ashtu siç ishte njoftuar edhe më parë, sot më datë 2 tetor 2019 në orën lokale 18:00, nisin aplikimet për Lotarinë Amerikane DV-2021.
Aplikimet do të zgjasin deri më datë 5 nëntor 2019.
Si zakonisht nuk këshillohet të aplikohet ne ditët e para apo në ditët e fundit por preferohet të aplikohet në mes të aplikimeve për të mos pasur probleme teknike.
Aplikimi për lotarinë DV-2021 në vetvete është falas dhe ju mund ta bëni vetë atë nëse dëshironi. Në të kundërt mund të asistoheni nga persona me të informuar mbi rregullat e aplikimit.
Këtë vit ka edhe një risi të cilën nuk duhet ta nënvlerësoni. Çdo aplikant duhet të jetë i pajisur me pasaportë të vlefshme për udhëtime jashtë shtetit të paskaduar.
Në një njoftim të bërë pak ditë më parë Ambasada Amerikane ka treguar edhe informacionet më të rëndësishme.
“Duke filluar nga 5 maji 2020, për të parë nëse janë përzgjedhur, të regjistruarit e DV-2021 do të mund të përdorin numrin e tyre unik të konfirmimit të dhënë në regjistrim duke kontrolluar online Kontrollin e Statusit të të Regjistruarve në faqen zyrtare të E-DV-së. Kontrolli i Statusit të të Regjistruarve do të informojë pjesëmarrësit e përzgjedhur se si të aplikojnë për vizën e Lotarisë për veten e tyre dhe anëtarët e familjes së tyre. Të përzgjedhurit do të mund të mësojnë datën e tyre të intervistës për vizë duke hyrë tek Kontrolli i Statusit të të Regjistruarve“, – shkruan Ambasada Amerikane.
