Ditën e djeshme, Justin Bieber dhe Hailey Baldwin u kurorëzuan me martesë me një ceremoni që u bë kryefjala e të gjitha mediave.
Fotot e dasmës së tyre pushtuan rrjetin, megjithëse çifti u mundua të tregohej sa më diskret me publikun.
Të ftuar në gëzimin e tyre ishin personazhe të njohur VIP, mes tyre edhe motrat Kendall dhe Kylie Jenner.
Ju treguam për Kendall, e cila shkëlqeu me një fustan kadife të gjatë deri në fund të këmbëve, mirëpo më shumë se kushdo tjetër, vëmendjen e ka marrë motra e saj Kylie.
21-vjeçarja kishte veshur një fustan në ngjyrë floriri i cili rrinte i ngrirë në trup dhe i tregonte më së miri format miliarderes.
Vetë Kylie ndau në Instagram foto me super fustanin, të cilin e kishte kombinuar me një çantë në formë fluture.
Gjithashtu, Kylie-n e shoqëronte vogëlushja e saj Stormi, të cilën e kishte veshur me një fustan ngjyrë rozë me fruda.
Padyshim, Kylie ishte një ndër personazhet që ra më shumë në sy gjatë dasmës dhe të gjithë e kanë komplimentuar për veshjen në postimin e saj në Instagram.
