Është publikuar videoja e bashkëshortit të ministres së Arsimit, Besa Shahini, i cili pak javë më parë u konfrontua fizikisht me zyrtarin e Vetëvendosjes, Hakui Abazi.
Dardan Moliqaj, politikan i njohur në Kosovë, u përplas me Abazin në ambientet e televizionit T7, pas përfundimit të debatit në studio.
Pamjet e sherrit janë publikuar dje në media, ndërkohë pas kësaj ka ardhur edhe reagimi i Molliqaj.
Ai shprehet se nuk fshihet dhe as nuk viktimizohet por lufton për atë që beson duka ia thana tjetrit të vërtetën në sy.
“Shumë mirë që dolën videot. Tash ndalen të gjitha spekulimet. Një subjekt që u paraqit si viktimë dhe ndërtoi konspiracione bashkë me një televizion, po dalin hapur si mashtruesit e radhës. Shpifin në emisione; sulmojnë vetë pas emisioneve; ikin me vrap pastaj dhe në fund tentojnë të paraqiten si viktima.
Mua më vjen keq për situatën e krijuar por asnjëherë nuk do të ndalem duke ia thënë të vërtetën secilit. Unë nuk fshihem. As nuk mashtroj. As nuk viktimizohem. Luftoj për atë që besoj”, shkruan Molliqaj.
