“E diela shqiptare” është një nga emisionet më të ndjekur në të gjithë Shqipërinë.
Prej vitin 2008, Ardit Gjebrea ka mbërthyer audiencën para ekranit çdo të dielë dhe nga viti në vit emisioni vjen me risi.
Këtë vit risia përfshin shqiptarët në të gjithë botën dhe sigurisht që do u pëlqejë.
Tashmë emisionin mund ta ndiqni nga kudo mjafton ta kërkoni në internet.
Nëpërmjet një postimi në Instastory, Arditi ka treguar se premtimi u mbajt dhe tashmë shqiptarët në të gjithë botën mund të shohin emisionin live.
“Nesër në livestream. Www.TV Klan.al. Nga çdo cep i botës mund të na ndiqni. Premtim i mbajtur”, shkruan Arditi mbi foton e logos së emisionit.
Kjo është hera e parë që emisioni transmetohet në këtë formë dhe sigurisht tashmë të gjithë shqiptarët do e kenë më të lehtë ta shohin.
