Këngëtarja e mirënjohur e muzikës popullore, Merita Halili, do të rikthehet me këngë në Tiranë, pas më shumë se 20 vjetësh.
Ajo do të japë një koncert recital të sajin, titulluar sipas këngës që e bëri të njohur, “Lule t’bukura ka Tirona”.
Recital i bilbilit të Shqipërisë së mesme me Ansamblin Popullor do të shfaqet në 27 dhe 28 shtator, ora 19:00 në Pallatin e Kongreseve.
E ftuar në emisionin e pasdites “Rudina” Merita tregoi se ky rikthim për të është shumë emocionues dhe premton që çdo gjë është e menduar me detaje.
Ajo shtoi se për shkak të largësisë dhe angazhimeve të tjera në koncert nuk do të ketë fëmijët e saj, të cilët dëshironin shumë që të ishin.
