Shoqëria Ujësjellës Kanalizime Tiranë ka nisur procedurën e verifikimit dhe kolaudimit të aparateve matës të konsumit të ujit, që ata kanë në pronësi.
Ndërkohë që në shumë lagje të Tiranës ka mungesë uji, familjet ose bizneset që kanë sahate më të vjetër se 5 vite, do të duhet ta ndryshojnë aparatin matës.
“Sipas njoftimit, verifikimit periodik të ujëmatësve do t’i nënshtrohen të gjithë ujëmatëset që kanë plotësuar kriterin e datës së vendosjes së tyre, 60 muaj, (5 vjet), përcaktuar në Urdhrin 195, date 09.03.2009, “Për verifikimin fillestar dhe pasardhës të instrumenteve matëse ligjërisht të kontrolluara” të Ministrisë së Ekonomisë, Tregtisë dhe Energjetikës”, shkruan “Dosja.al”.
Në rast se ujëmatësi do të duhet të ndryshohet, atëherë konsumatori do të paguajë shpenzimet e furnizimit dhe të instalimit të ujëmatësit, në një vlerë që ende nuk bëhet e ditur.
Klientët se ata duhet të jenë të pranishëm gjatë kryerjes së kësaj procedure bashkë me përfaqësuesit e UKT sh.a dhe të subjektit të autorizuar nga Drejtoria e Përgjithshme e Metrologjisë për kolaudimin e ujëmatëseve.
Në përfundim të verifikimit/kolaudimit aparati ujëmatës do të pajiset me vulën e verifikimit, e cila do të certifikojë përmbushjen e përcaktimeve ligjore dhe teknike për aparatin.
/Dosja.al
