Dy moderatorët e “Top Channel”, Ori Nebiaj dhe Isli Islami, na shoqërojnë çdo mëngjes me emisionin e tyre “Wake Up”, ku çdo ditë janë të ftuar personazhe publikë të vendit tonë.
Mirëpo, mëngjesin e sotëm “Wake Up” nuk u transmetua në “Top Channel” dhe me siguri po vrisni mendjen se çfarë ndodhi me programin dhe dy moderatorët.
Sipas “revistawho.com”, nuk ka asgjë për tu shqetësuar, pasi ka qenë thjesht një problem teknik në studio.
Për këtë arsye emisioni nuk ka mundur të transmetohet sot, mirëpo do të vazhdojë normalisht në ditët në vijim.
Ori dhe Isli janë një ndër dyshet më të njohura të ekranit, të cilët për shkak të kimisë me njëri-tjetrin janë përfolur shpesh edhe për një lidhje dashurie mes tyre.
Megjithatë, ata kanë treguar se janë shokë shumë të mirë, të cilët përveç punës, ndajnë edhe momente të përditshmërisë me njëri-tjetrin.
