Emisioni i njohur i humorit, “Portokalli”, i cili na ka shoqëruar në ekran për vite të tëra, do të rikthehet sërish këtë sezon.
Aktorët po përgatiten për një emision plot batuta e surpriza, ndërsa ditën e sotme është bërë zyrtarisht e ditur data e nisjes së emisionit.
Ishte moderatorja Xhemi Shehu ajo që ndau në Instagram një video të dy aktoreve, Albana Perhati dhe Renada Caci.
Ato zbulonin se ky sezon i ri i “Portokallisë” do të nisë më datë 6 tetor, ndërsa të gjithë jemi në pritje të kësaj date.
Ky sezon i ri televiziv erdhi me ndryshime të mëdha dhe të shumtë janë aktorët që u larguan nga “Portokalli”, për t’iu bashkuar emisioneve të tjera.
