Para disa muajsh, aktori i humorit Olsi Bylyku bëri publike lidhjen e tij me bukuroshen Egli Tako, në shoqërinë e së cilës e kemi parë kudo së fundmi.
Në rrjete sociale nuk kanë munguar pozat së bashku, ku çifti tregon se janë kokë e këmbë të dashuruar.
Madje, ata nuk ngurrojnë të surprizojnë herë pas here njëri-tjetrin, ashtu siç Olsi ka bërë në ditën e lindjes së partneres.
Egli ka mbushur 22 vjeç dhe këtë ditë speciale e ka pritur së bashku me Olsin.
Aktori ka përgatitur një darkë romantike me lule e qirinj, me një pamje fantastike të qytetit në sfond.
Madje, duket se gjërat janë bërë familjare, pasi Eglin e ka surprizuar edhe familja e Olsit.
Ata i kanë dërguar një buqetë super të këndshme me trëndafila të bardhë, të cilën Egli e ka publikuar në Instastory.
“Familja ime e dytë”- shkruan partnerja e Olsit krahas fotos së buqetës, duke e shoqëruar me emojin e një zemre.
I urojmë Eglit gëzuar ditëlindjen!
