Muajin e kaluar, reperi Fero njoftoi largimin e tij nga “On Records” nëpërmjet një postimi në Instagram. Ai tregoi se largimi ishte miqësor dhe kompania kishte ende të drejtë të vendoste data për koncertet e tij.
Në fillim të këtij muaji, reperi tregoi se ka ndërmend të hapë labelin e tij, i cili mund të titullohet “Gang Gang Records”.
Mirëpo, ky lajm ende nuk është konfirmuar nga reperi, i cili na i ka shtuar më shumë dyshimet mbrëmjen e sotme.
Ai ka publikuar në Instastory një status ku shkruan:
“A thu qka ka me ndodh me karrierën tem?”- duke i bashkëngjitur emojin e një fytyre të djallëzuar.
Fero ka vendosur të mos zbulojë ende asgjë në lidhje me planet e tij në muzikë, duke na lënë të gjithëve kuriozë për të ditur se ç’po bluan në mendjen e tij reperi.
