Një ngjarje e rëndë është shënuar në Elbasan, ku një nënë e re është dhunuar keq nga vjehrrit dhe bashkëshorti i saj.
Nusja E., Ibrahimi i kishte kërkuar ndihmë bashkëshortit të saj, për të marë ujë në mënyrë që të lante vajzën e saj 4-muajshe.
Por burri i saj nuk kishte lëvizur nga vendi dhe në vend të tij ishte detyruar vjehrri të shkojë dhe të marë ujin. Kjo situatë bëri që vjehrri të inatosej dhe të vinte me nerva në shtëpi për të dhunuar të renë.
Ai ia mori fëmijën nga dora dhe ja dha gruas së tij, për të dhunuar më pas nusen. E reja ka treguar ngjarjen hap pas hapi siç ndodhi, pasi policia mbërriti në shtëpinë e saj.
“Në kohën kur vjehrri më kapi prej fyti burri më mbante prej duar nga mbrapa në këtë kohë burri më lëshon duart dhe shkon te vjehrra se fëmija po qante shumë. Në këtë moment vjerri më përplasi për tokë aty mora goditje në kokë, jam ngrit me shkuar te dera kryesore e shtëpisë me dalë me kërku ndihmë por vjehrra e mbylli derën kryesore me çelës në këtë kohë vjehrri vjen dhe më përplas sërish në dysheme, unë isha duke u ngrit dhe vjen burri im e më kap prej flokësh dhe me ngrenë në këmbë në këtë kohë vjehrra fillon dhe më godet me shuplaka dhe pikërisht në këtë moment, u kam ikur nga duart dhe jam mbyllur te dhoma e gjumit dhe kam njoftuar policinë te numri 129 dhe kam kërkuar ndihmë”.
Aktualisht vjehrri dhe bashkëshorti janë vënë në pranga, ndërsa nusja e re është larguar për në shtëpinë e familjes së saj ku ndihet më e sigurt. Kjo nuk është hera e parë që ajo dhunohej, dhe babai i nuses ka qenë në dijeni për rastet e dhunës.
/Shqiptarja
