Në muajin shtator të vitit që lamë pas, aktori i njohur i humorit, Visjan Ukcenaj, u bë baba për herë të parë.
Bashkëshortja e tij, Jona, solli në jetë një djalë, të cilin e pagëzuan me emrin Divin.
Divini u bë kryefjala e jetës së Jonës dhe Visjanit, ndërsa ky i fundit i dedikoi edhe një këngë me vargje nga zemra të voglit.
“S’ka si ti” u titullua kënga e Visjanit, e cila me siguri do të mbetet një ndër kujtimet më të bukura të Divinit kur të rritet.
Ditën e sotme, vogëlushi ka mbushur plot 1 vit jetë dhe çifti ka organizuar një festë që duket si një përrallë.
Në dekorin e festës janë përdorur të gjithë personazhet e filmit të animuar “The Lion King”, ndërsa torta mban personazhin e Simbës.
Në festën e të voglit ishin të pranishëm personazhe të njohur të showbizit, të cilët ndanë nga festa momentet më të bukura në Instagram.
Më herët gjatë ditës së sotme, Visjani e uroi Divinin në një postim në Instagram, ku shkruante fjalët emocionuese:
“Si sot një vit më parë Zoti na solli në jetë Dritën e syve. Frymën . Qofsh i bekuar cdo ditë të jetes Divin . Unë dhe mami të duam në përjetesi. #Divin 1 Vjec”
