Ditën e sotme, moderatorja shumë e dashur për publikun shqiptar, Luana Vjollca, feston 27-vjetorin e saj të lindjes.
E para që e uroi publikisht sapo hyri mesnata, ishte motra e saj Marina, e cila me fjalët e dedikuara e emocionoi moderatoren.
“Gëzuar ditëlindjen bisha ime! Nuk ka limite shpejtësie në rrugën tënde drejt suksesit, gjithmonë Më e Mira do jesh! Të dua pafund gjysma ime
”- ishin fjalët e Marinës për Luanën.
Kjo e fundit ia ktheu duke komentuar në foton e saj:
“Jet boll më emocionovee se plasaa
TE KAM JETËN TIME TË SHTREJNTË !!! Gjysma ime më e mirë”.
Të shumtë janë personat që e kanë uruar dhe e kanë surprizuar moderatoren këtë ditë, mirëpo edhe ajo vetë ka përgatitur një surprizë speciale për fansat në ditën e saj të lindjes.
Pak më parë, Luana ka publikuar këngën e saj më të re të titulluar “Ti amo”, klipi i së cilës është xhiruar nga fillimi në fund pa e ndaluar kamerën dhe pa bërë montazh.
“Ja ku është dhurata ime e ditëlindjes për ju”- shkruan moderatorja krahas videos ku tregon këngën e re.
Vetëm 30 minuta pas publikimit, kënga ka arritur deri tani 8 mijë klikime në Youtube.
