Pak para nisjes së sezonit të ri televiziv, shefi i kuzhinës, Renato Mekolli, ka udhëtuar drejt Greqisë për të kaluar disa ditë relaksi.
Ai ka ndarë me ndjekësit e tij në Instagram momente nga vendi ku ka zgjedhur të pushojë, duke na e bërë zili të gjithëve.
Renato ndodhet në Mykonos, mirëpo shefi i kuzhinës nuk po i shijon vetëm këto pushime!
Së bashku me të ndodhet edhe një femër, të cilën ai ende nuk e ka zbuluar për publikun.
Renato dhe vajza në fjalë shfaqen duke trokitur gotat me shampanjë, teksa ndodhen përballë pishinës të cilën e kanë vetëm për vete.
Po t’a vini re me vëmendje, në video dallohet dora e vajzës që i ka vjedhur zemrën Renatos dhe po e shoqëron gjatë pushimeve luksoze në Mykonos.
Megjithatë, Renato ka vendosur ta mbajë ende të fshehtë nga publiku identitetin e saj.
Kujtojmë se në muajin tetor fillon sezoni i dytë i “Hell’s Kitchen”, për të cilin shefi i kuzhinës ka premtuar surpriza të mëdha.
