Në muajin tetor pritet të nisë sezoni i dytë i emisionit të gatimit “Hell’s Kitchen” dhe shefi i kuzhinës, Renato Mekolli, ka paralajmëruar surpriza të mëdha.
Më herët u mësua se këtë sezon, ai do të jetë i shoqëruar nga dy vajza, njëra bjonde dhe tjetra brune.
Lart e poshtë u përfol se shoqëruesja e tij bjonde do të jetë ish-konkurrentja e “Hell’s Kitchen 1”, Ani Alku.
Ditën e sotme, Renato i ka konfirmuar këto lajme, duke publikuar në profilin e tij në Instagram një foto të Anit, ku jep edhe lajmin:
“A e mbani mend Anin,së cilës ja nxiva jetën, me të bërtitura, në Hell’s Kitchen? Epo ja pra si vijnë punët, sot Anin po jua prezantoj si një nga ndihmëset e mia në “Hell’s Kitchen Albania 2”. Kot nuk thonë, pas çdo të “keqe” vjen një e mirë. Ani do të jetë përsëri në kuzhinën e ferrit, këtë herë si krahu im i djathtë, si një profesioniste që u rrit edhe më shumë pasi u shfaq në atë sfidën e parë. Kur kalon portën e Hell’s Kitchen, veç fati i mirë e suksesi të ndjek nga pas. Ndaj vajzaaa e gra, kudo që jeni ejani përballuni me sfidën më të egër, por dhe më të bukurën në Shqipëri! Ejani ndjejani lezetin “sherrit” me mua, “djallin”. Debati ju bën edhe më të forta, sfida ju hap dyer edhe më të mëdha.
Audicionet vazhdojnë edhe javën tjetër.”- ka shkruar Renato në postim.
Mbetet ende të presim për të zbuluar se cila do të jetë vajza brune në krahun tjetër të shefit të kuzhinës.
