Kur pamja e tregon qartë ndryshimin, atëherë është e kotë ta fshehësh atë. Shumë të famshme të “showbiz”-it shqiptar kanë gjetur “ngushëllim” te bisturia dhe nuk i kanë shpëtuar dot kësaj manie.
Disa prej personazheve publike të ekranit shqiptar kanë pranuar ndryshimet nga ndërhyrjet kirurgjikale, ndërsa të tjerat janë justifikuar me ndryshimet e ardhura nga mosha.
Fansat i kuptojnë shumë mirë se çfarë ka ndodhur me fizikun e një celebrities, ndoshta kjo është bërë shtysë prej tyre që të pranojnë vetëm një nga ndërhyrjet.
Nora Istrefi
Këngëtarja pranoi gjatë një interviste se ka ndërhyrë tek buzët: “I kam fryrë veç pak buzët”. Por nuk ka pranuar ndërhyrjet e tjera në fytyrë.
Albërie Hadërgjonaj
Këngëtarja Hadërgjonaj pranoi pa hezituar në një emision se, “ka bërë, bën dhe do të bëjë ndërhyrje”. Ajo ka thënë se sidoqoftë, nuk i mbështet moshat e reja që i nënshtrohen ndërhyrjeve pasi sipas saj, nuk e kanë aspak të nevojshme.
Genta Ismajli
Genta pranoi në një intervistë televizive se ajo i është nënshtruar bisturisë për zvogëlimin e gjoksit dhe pas ndërhyrjes ndihet shumë mirë me trupin e saj.
Tuna
Këngëtarja me origjinë nga Shkupi, Altuna Sejdiu, ka pranuar rreth dy vite më parë se ka kryer dy operacione plastike, në hundë dhe në buzë. Ajo e mori këtë vendim sepse “nuk ndihej perfekte”, duke kërkuar kështu ndihmën e bisturisë. Këngëtarja pranoi se ka bërë ndërhyrje për të përmirësuar pamjen e saj gjatë intervistës “6 ditë pa Ermalin”, gjatë emisionit të zhvilluar në dhjetor të 2015-s.
Irena Kita
‘Nuk pendohem.Do ta ribëja!’, ky ishte reagimi lidhur me ndërhyrjen estetike në gjoks. Ajo shpjegoi se pas lindjes së vajzës, kjo zonë erogjene i është dëmtuar, ndaj e ka ndier të nevojshme një ndërhyrje të tillë.
Dhurata Dora
Këngëtarja pranoi gjatë një emisioni se ka bërë operacion plastik në hundë, ndërsa sqaroi se ndërhyrja ishte shëndetësore, pasi ajo ka vuajtur nga migrena. Ndërsa për buzët nuk bëri asnjë koment!
Aurela Hoxha
Ajo dallohet për operacionet e shumta, por sa pranon prej tyre?! Vetëm një! Aurela Hoxha u shpreh gjatë një interviste se ka bërë ndërhyrje vetëm tek buzët. “Gjithsesi buzët e mia ishin të bukura, ndaj po përpiqem t’i kthej siç ishin”. Ndërsa ajo që shohim ne nga ndërhyrjet e tjera në fytyrë dhe në trup, ende nuk pranohen prej saj.
Big Mama
Ndonëse në fillimet e karrierës Big Mama kishte deklaruar se nuk do të donte të bënte asnjë operacion plastik në trupin e saj. Pavarësisht kësaj pas ndryshimeve, ajo pranoi se i është nënshtruar bisturisë. Përveç dietës rigoroze që ka mbajtur për të humbur rreth 30 kilogramë, 29-vjeçarja ka bërë edhe një operacion plastik në Turqi, për të cilin ka harxhuar rreth 8000 euro.
Dafina Zeqiri
Këngëtarja Dafina Zeqiri është një tjetër emër i përfolur për ndërhyrje plastike. Ajo pranoi në 2009-n se ka kryer ndërhyrje kirurgjikale në hundë, më vonë edhe atë për zmadhimin e gjoksit. Por ajo ka mohuar të ketë bërë operacione të tjera në buzë e fytyrë, pasi e ka përfunduar me atë në gjoks.
Adelina Tahiri
“I kam bërë buzët, dua të jem e sinqertë, nuk kam pse ta fsheh. Tek unë vërehet çdo ndryshim i bërë”, ka thënë Adelina në një intervistë.
Çiljeta Xhilaga
Ajo iu nënshtrua ndërhyrjes kirurgjikale për zvogëlimin e gjoksit në qershor të 2016-s.
Fjolla Morina
Fjolla e ka pranuar herët se i është nënshtruar bisturisë dhe ka bërë operacion plastik në buzë dhe në gjoks. “Shkoni merruni me ato që kanë bërë ndërhyrje të 2011-s, jo me mu aqë kam që në 2007-n’”, u shpreh ajo gjatë një interviste në 2011-n.
Zajmina Vasjari
Ajo ka pohuar që ka bërë një ndërhyrje plastike. Në nëntor të 2009-s Zajmina pranoi se i është nënshtruar kirurgjisë plastike në gjoks. “Unë kam bërë një ndërhyrje kirurgjikale. Ka lidhje me komplekset që ka njeriu me veten dhe e kam pranuar, nuk është diçka që e kam mbajtur të fshehtë. Realisht, shumica e femrave që dalin në televizion sot kanë bërë më shumë se një operacion plastik dhe është dëshira e tyre për ta mbajtur të fshehtë këtë gjë. Por te unë nuk ka ndonjë problem… s’ka pse. I vetmi operacion plastik që kam unë është gjoksi im!”, deklaroi Zajmina. Por operacionet e tjera nuk i ka pranuar!
Zanfina Ismajli
Në një intervistë të dhënë në 2012-n, Zanfina pranoi se e vetmja ndërhyrje ishte te buzët. Ajo ka pranuar se i ka mbushur ato në vitin 2011, duke thënë: “Ka qenë një dëshirë e moçme e imja për të pasur buzë më të plota, ndoshta dhe nga ndikimi i Angelina Jolie dhe buzëve të plota të Hollywood-it. Ky është i pari dhe i fundit, nuk bëj më!”.
Rozana Radi
Tekstshkruesja dhe këngëtarja Rozana Radi nuk nguroi të pranonte ndërhyrjen për zmadhimin e gjoksit. Madje mediat shkuan në atë kohë se për ndërhyrjen, Rozana Radit i është dashur të paguajë rreth 3500 euro.
Era Istrefi
Në një intervistë të 2015-s, Era pranoi se ka bërë ndërhyrje estetike për fryrjen e buzëve dhe disa herë botoks. Bravo Era për sinqeritetin!
