Prej disa ditësh “mushkëria” e planetit, Amazona është mbuluar nga flakët gjigante.
Ditën e sotme situata është përkeqësuar ndjeshëm dhe mediat e huaja ngrenë alarm për zhdukjen e kësaj sipërfaqeje që prodhon 20% të oksigjenit në Tokë.
Në vend të ajrit të pastër tani aty gjen kafshë të përvëluara nga flakët, pemë të djegura e tym që ka kaluar deri në qytetet më të afërta.
Flakët po përparojnë me shpejtësi dhe deri më tani është mbuluar nga tymi më shumë se gjysma e vendit.
Xhungla e Amazonës është “shtëpia” e tre milionë speciave e kafshëve dhe fotot që po qarkullojnë në internet janë me të vërtetë tronditëse.
Djegia e saj do të sjellë ndryshime të mëdha në ekosistem duke ndikuar ndjeshëm edhe në ngrohjen globale.
