Dy javë më parë u mësua se dyshja e njohur, Miley Cyrus dhe Liam Hemsworth, po ndaheshin për të disatën herë, vetëm 8 muaj pasi u kurorëzuan me martesë.
Lajmi trishtoi fansat e çiftit, të cilët nuk donin ta besonin se historia 10-vjeçare e dashurisë së Miley-t dhe Liam-it po merrte sërish fund.
Së fundmi, burime për “E!News” kanë bërë të ditur se vendimi i ndarjes është përfundimtar dhe Liam ka shkuar të firmosë dokumentat për divorc nga Miley.
Në dokumenta është cituar se arsyeja e ndarjes së dyshes ishin ndryshimet e papajtueshme mes tyre, megjithëse më herët u mësua se Miley po përpiqej ta shpëtonte martesën.
Sipas “E!News”, data e divorcit ende nuk është caktuar, megjithatë procedurat s’do të zgjasin shumë pasi Miley dhe Liam kanë bërë që në fillim një kontratë paramartesore.
Kujtojmë se pas lajmit të ndarjes, Miley u pa duke u puthur me mikeshën e saj, Kaitynn Carter, me të cilën ka nisur një lidhje të re.
