Edhe pak javë na ndajnë nga dasma e shumëpërfolur e Afrona dhe Bleros.
Pas shumë ulje-ngritjesh ata kanë vendosur të celebrojnë dashurinë e tyre me martesë dhe thuajse çdo gjë është gati për ditën e madhe.
Data, vendi, ftesa, unazat, fustani dhe çdo gjë tjetër është drejt përfundimit dhe Afrona me Bleron mezi po presin të thonë “Po” për gjithë jetën.
Së fundmi për të folur mbi këto emocione, Afrona ka dhënë një intervistë për revistën ‘Class’ dhe ka zbuluar planet për zgjerimin e familjes.
Si çdo çift i ri ata nuk mund t’i shpëtojnë dot një pyetjeje të tillë dhe Afrona ka treguar se momentalisht nuk e kanë në plan.
“Për momentin jo. Dëshirojmë që të udhëtojmë edhe pak dhe të bëjmë karrierë. Më vonë sigurisht që po”, shprehet Afrona.
Dasma e çiftit të njohur do të mbahet më 21 shtator në një nga zonat më të bukura turistike në Shqipëri, “Rana e hedhun”.
