Disa ditë më parë, në media qarkulloi lajmi se moderatorja Dajana Shabani ishte ndarë me partnerin e saj, boksierin Kamer Maloku.
Dyshja ishte parë shpesh teksa kalonin shumë kohë me njëri-tjetrin, madje ata nisën të postonin edhe foto së bashku në Instagram.
Mirëpo, duket se diçka ndodhi mes tyre, duke sjellë krizë në çift.
Veprimet e tyre të fundit kanë lënë të kuptohet se Dajana dhe Kameri nuk janë më bashkë. Ata nuk e ndjekin më njëri-tjetrin në Instagram dhe boksieri ka publikuar në Instastory një shprehje që mendohet se i dedikohet Dajanës.
“Paraja, pushteti dhe fama nuk mund të jenë përpara njeriut”,- shkruhet në foton e tij, fjalë të cilat me siguri janë një mesazh për moderatoren.
Kjo e fundit ende nuk ka reaguar në lidhje me këtë situatë dhe ende nuk dihet nëse kjo është vetëm një zënkë, apo një ndarje përfundimtare mes çiftit.
Disa muaj më parë, moderatorja pranoi publikisht ndarjen nga bashkëshorti me të cilin ka një vajzë, duke u shprehur se është e ridashuruar dhe nuk e kthen më kokën pas.
Kujtojmë se pak javë më parë, Dajana Shabani u largua përfundimisht nga emisioni “Ditë e Re” dhe këtë sezon të ri ajo do të jetë së bashku me “Zogun e Tiranës” në një tjetër emision, detaje të të cilit ende nuk janë zbuluar për publikun.
