Gazetari dhe publicisti i njohur, Fatos Baxhaku, është ndarë nga jeta ditën e sotme, pasi vuante prej kohësh nga një sëmundje e rëndë.
Ai u shuajt në moshën 55-vjeçare dhe ndarja e tij nga jeta në mënyrë të parakohshme është një humbje e madhe për botën e medias së shkruar.
Baxhaku ishte bashkëthemelues, kryeredaktor dhe gazetar i “Gazetës Shqiptare”.
Në vitet ’98-’99, ai punoi si kryeredaktor i parë i lajmeve në ” Tv Klan” dhe nga 1999-2000 ishte kryeredaktor i revistës “XXL”.
Për 4 vite, Baxhaku ishte gazetar dhe kryeredaktor në “Vizion Plus”.
Nga viti 2006 deri në vitin 2015, ai ishte kryeredaktor dhe gazetar i gazetës“Shqip”.
Baxhaku ka qenë gjithashtu autor dhe bashkëautor i disa serialeve si “Tunel” (Vizion Plus), “Rrugëtim” (Top Channel), “Shtëpia e Vjetër” (Digitalb) dhe i dokumentarëve të ndryshëm televizivë.
