Një i ri shqiptar është vrarë ndërsa kushëriri i tij është plagosur në Volfsburg të Gjermanisë pas një atentati.
Mediat gjermane shkruajnë se viktima është i riu shqiptar Kiedi Pasha, të cilit iu bë atentat nga një makinë që u kaloi pranë dy të rinjve.
Një nga dëshmitarët që kishte parë të gjithë skenën ka thënë:
“Burrat u qëlluan nga një veturë që po kalonte, ndërsa ata po ecnin në trotuar. E kam dëgjuar të godasë gjashtë herë!”
Deri më tani nuk dihen ende shkaqet e ngjarjes së rëndë ndërsa hetuesit kanë nisur grumbullimin e provave.
