Është ndarë nga jeta regjisori dhe skenaristi i njohur shqiptar, Gjergj Xhuvani!
Xhuvani, 56 vjeç, ishte i sëmurë prej kohësh dhe ka mbyllur sot sytë përgjithmonë në një spital në Romë.
Vetëm pak javë më vonë pritej të mbahej premiera e filmit të tij më të fundit “Liqeni im”, të cilin regjisori i ndjerë fatkeqësisht nuk do të mundë dot ta shijojë.
Gjergj Xhuvani është i martuar me aktoren Luiza Xhuvani, me të cilën ka një djalë 31-vjeçar, të quajtur Konstandin.
Ai është i njohur për sjelljen në jetë të një sërë filmash të suksesshëm pas viteve ‘90, ndër të cilët “Lindje, Perëndim, Lindje”, “I dashur Armik” dhe “Dashuria e Fundit”.
Gjergj Xhuvani njihej si regjisor, skenarist, producent shqiptar. Në vitin 1986 ai u diplomua në Akademin e Arteve në Tiranë dega Artet dramatike.
Që nga viti 1986 deri në vitin 1990, ai punoi si asistent regjisor në shumë filma dhe në vitin 1991 realizoi filmin e tij të parë “Bardhë e zi”.
/Iconstyle.al
