Në ditëlindjen e Kylie Jenner, përveç dhuratave fantastike e festës marramendëse në Itali, vëmendjen e mori edhe urimi i Caitlyn Jenner, e cila në vend të Kylie-t, postoi një foto të Kendall-it, duke ngatërruar të bijat.
“Jeta ishte shumë e thjeshtë atëherë, por jeta është kaq e mirë sot. Gëzuar ditëlindjen vajza ime e vogël @kyliejenner”!, shkruante ajo.
Mirëpo, ajo e fshiu menjëherë foton me Kendall-in, duke e rregulluar gabimin me një tjetër postim.
Një burim pranë Kylie-t ka treguar se 22-vjeçarja nuk u ofendua aspak nga ky veprim dhe është fokusuar në shijimin e pushimeve me Travis dhe të bijën në Itali.
Madje, ajo është duke menduar një mënyrë sesi t’ia kthejë të atit me shaka këtë që bëri, në ditën e tij të lindjes.
Pas gjithë kësaj që ndodhi me urimin që shkriu së qeshuri rrjetin, Kylie thjesht mendon se kjo ishte shumë gazmore dhe një gabim aksidental.
