Kjo javë që kaloi ka arritur kulmin e temperaturave në vend!
Fundjava shënoi plot 41.6 gradë celcius dhe në ditët në vijim pritet një normalizim i temperaturave.
Vapa parashikohet të marrë fund të mërkurën sipas metereologëve, kur do të nisin edhe reshjet e shiut dhe rënia e temperaturave.
“3 valë të nxehti kemi pasur gjatë kësaj vere dhe kjo është e fundit. Parashikohet të marr fund ditën e mërkurë ku pritet të ketë vranësira dhe shira në territorin shqiptar sidomos gjatë pjesës së dytë të së mërkurës duke sjellë edhe rënie të temperaturave me të paktën 4 gradë celcius”, thotë metereologe Adiola Bani për “Top Channel”.
Ndërkohë, 15 ditëshin e dytë të gushtit, vlerat termike do të luhaten në 33 gradë afër vlerave normale klimaterike të muajit që ne ndodhemi.
