Gazetari i njohur në Kosovë Visar Dërmaku, i njohur ndryshe si “Gani Germia”, është dhunuar në mënyrë barbare.
Ngjarja ka ndodhur me datën 10 gusht, rreth orës 02:00, pas mesnatës. Personi që ka sulmuar Dërmakun është identifikuar dhe është me shtetësi austriake. Mediat shkruajnë se bëhet fjalë për djalin e diplomatit kosovar në Austri, Rigon Kosumi.
Arsyeja nuk dihet, por Dërmaku shprehet se është një lloj kurthi. Ai nuk ka dashur as ta bëjë publik rastin por fotoja me hematoma në fytyrë është shpërndarë nga njerëz të tij.
“Më kanë tradhtuar njerëzit që ua kam çuar foton në Facebook”, ka thënë ai.
“Personi në fjalë ka ardhur me bo foto me mu, si një fans dhe mandej ai ka ardhur në lokal ku kam shkuar unë”, tregon Dërmaku.
“Pastaj më ka ndjekur edhe në momentin kur kam dalë nga lokali dhe kur kam qenë i vetëm me ka sulmuar fizikisht”.
Aktualisht personi që ka rrahur gazetarin është arrestuar.
