Tre javë më parë, Luana Vjollca solli bashkëpunimin e saj më të ri me Faydee, të titulluar “Yalla Habibi”. Kënga u prit mirë nga publiku dhe tashmë ka arritur plot 3.9 milionë klikime në Youtube, duke u kthyer padyshim në një ndër hitet e kësaj vere.
Luana shfaqet super seksi në klip përkrah Faydee, mirëpo jo çdo gjë që ndodh gjatë xhirimeve tregohet edhe në klip.
Vetë moderatorja ka vendosur të ndajë me fansat disa nga momentet e saj të çmendura nga prapaskenat e xhirimeve, duke i bërë fansat të qeshin.
“Si përherë po ju tregoj pak nga “budalliqet” e mia në backstage. Pra Faydee, shiu pa dyshim na solli fat të mirë.”- shkruan Luana krahas videos nga prapaskenat e videoklipit.
Në video, ajo i ka hedhur këngëtarit njërën dorë në qafë, teksa bën mimika para kamerës, e më pas tregon se ka nisur të bjerë shi.
“It’s raining man…”- nis të këndojë Luana me zë të trashë, veprim i cili i ka shkrirë së qeshuri ndjekësit.
Epo, Luana nuk heq dorë asnjëherë nga të qenurit vetvetja, qoftë edhe para kamerës!
