Mbrëmjen e kaluar është mbajtur edhe nata e dytë e festivalit “Sunny Hill”.
Në skenën gjigante janë ngjitur artistët më të mirë shqiptarë dhe jo vetëm.
Ledri Vula, Kida, Buta, Lumi B, Gashi e të tjerë, elektrizuan publikun dhe i bënë ata të këndonin e kërcenin me muzikën e tyre.
Sigurisht që gjatë mbrëmjen nuk kanë munguar notat patriotike dhe Dua Lipa e ka djegur duke kërcyer me flamurin shqiptar.
Së bashku me Gashin ajo është vendosur në mes të publikut dhe gjithë krenari ka kërcyer valle popullore.
Dua Lipa nuk ka zbuluar ende nëse do të performojë këtë vit në festivalin që organizon bashkë me të atin, megjithatë duket se po e shijon në maksimum qëndrimin në publik.
Në çdo performancë ajo shihet duke kërcyer dhe kënduar me gjithë shpirt.
