Pak ditë më parë Victoria dhe David Beckham u fotografuan në Miami dhe u tha se shkuan për të blerë një shtëpi të re.
Lajmi mesa duket ka qenë i vërtetë dhe mediat e huaja shkruajnë se çifti sapo ka blerë një shtëpi të re super luksoze. Sipas “Marca” shtëpia e Victoria dhe David ka vlerën 36 milionë paund dhe në të mund të gjesh gjithçka që të duhet.
Ndërtesa është dizajnuar nga arkitekti me famë botërore ,Zaha Hadid dhe në të ka një pishinë gjigante, spa, sallon bukurie dhe bar. Dhe sikur të mos mjaftonin këto vogëlsira, në tarracën e ndërtesës është edhe një pistë për uljen e helikopterëve.
Kjo është shtëpia e disatë e çiftit dhe ata e kanë blerë pasi, David jeton me kohë të pjesshme në Miami. Ai ka njoftuar gjithashtu se së shpejti do të ketë edhe një skuadër të tij, të cilën do e quajë Inter Miami.
