Amber Heard ka vendosur t’i shkojë deri në fund historisë që nisi! Aktorja paditi komedian Doug Stanhope për një artikull që ai botoi të hënën në “The Wrap”, ku akuzonte 30-vjeçaren se po bënte shantazh ndaj Johnny Depp me pretendimet e rreme për abuzim në familje.
Padia e depozituar në kontenë Cochise të Arizonës e bashkë me Stanhope shënjestron edhe 20 individë të tjerë të lidhur me të. Në padi Heard pretendon se Stanhope shpifi për të, kur shkroi në artikull se ajo po gënjente në mënyrë që të përfitonte para nga Depp.
Avokatët kërkojnë proces gjyqësor e thonë se Heard do t’ia dhurojë të ardhurat e përfituara nga këto procedura një qendre për gratë e dhunuara në Arizona.
Përfaqësuesit e Stanhope dhe Depp nuk kanë bërë ende asnjë koment. Në artikullin polemizues, komediani pretendon se Depp i kishte rrëfyer në mirëbesim përpara ndarjes se Heard po e linte dhe e kishte kërcënuar se do të gënjente publikisht në çdo mënyrë të mundshme nëse ai nuk pajtohej me kushtet e vendosura prej saj.
Shantazhi, shkruan Stanhope, është përkufizimi që unë mendoj se mund t’i bëjnë të tjerët kësaj situate, duke përfshirë këtu mënyrën si po shpifet tani për Depp-in.
Martesa e Heard me aktorin e njohur 52-vjeçar zgjati vetëm 15 muaj. Amber kërkoi divorcin në maj duke cituar dallimet e papajtueshme mes të dyve dhe më pas pretendoi se Depp ushtroi mbi të dhunë fizike.
Burimi: Daily Mail
