Edicioni i gjashtë i spektaklit “Dance With me” do të nisë në pak javë e ndërkohë që ne presim, të gjithë jemi kuriozë të dimë se talentin e kujt do të shohim në kërcim këtë vit.
Pak javë më parë “News 31” zbuloi dy çifte konkurrente të edicionit të gjashtë. Kejvina Kthjella do të jetë në çift me Eduart Ndocajn, ndërsa Era Rusi me moderatorin Florian Agalliu.
Ndërkohë, “Blitz.al” ka zbuluar edhe 3 çifte të tjerë që do të jenë pjesëmarrës në spektaklin që pritet të startojë në fillim të shtatorit.
Burime për “Blitz.al” kanë treguar se këngëtarja Çiljeta Xhilaga do të jetë në çift me ish-konkurrentin e Big Brother Valer Kolnikajn.
Gjithashtu, këngëtari Mateus Frroku do të jetë në çift me Eliona Pitarkën, aktoren e programit të humorit “Duplex”.
Një tjetër konkurrent i prfolur është edhe moderatori i “Trokit”, Ermal Peçi, edhe pse ende nuk e dimë se kë do të ketë partnere.
