Nëpërmjet një letre dërguar kryeministrit Edi Rama, ministrit të Brendshëm Sandër Lleshaj dhe ministres së Mbrojtjes Olta Xhaçka, presidenti Ilir Meta ka ngritur gjendje alarmante për Shqipërinë.
Në letrën e publikuar nga “Newsbomb.al” ai shkruan se duhet të merren masa pasi sipas sizmiologëve pritet që një tërmet i fuqishëm të godasë Ballkanin.
Meta thotë se bazuar në deklaratat e sizmiologut grek Akis Tselentis, Ballkani do të goditet nga një tërmet 30 herë më i fuqishëm se ai që ra pak ditë më parë në Athinë.
“Nëpërmjet medias ndërkombëtare dhe kombëtare jam informuar mbi paralajmërimin për një tërmet apoklaiptik që pritet të godasë Ballkanin. Paralajmërimi ka ardhur nga sizimiologu i njohur, zoti Akis Tselentis, drejtor i Institusionit Gjeodinamik Observatori Kombëtar i Athinës. Sizimiologu Tselentis ka paralajmëruar për një tërmet apokaliptik që pritet të godasë Ballkanin, që mund të jetë 30 herë më i fuqishëm se sa ai që goditi para disa ditësh rajonin e Athinës”, shkruan Meta në letrën e tij.
Pak ditë më parë një tërmet i fuqishëm goditi Athinën dhe shkaktoi dëme të shumta materiale.
Goditja e radhës pritet të jetë shumë e fortë dhe ka ngritur në këmbë të gjithë Ballkanin.
