Megjithëse është munduar që jetën e tij private ta mbajë larg syrit të mediave dhe asnjëherë nuk e ka bërë publike lidhjen me të dashurën e tij, futbollisti i njohur i Kombëtares së Kosovës, Benjamin Kololli, do të kurorëzohet me martesë.
“Indeksonline” ka zbuluar se Kololli do t’i japë fund beqarisë këtë të hënë, ndërsa familjarët e tij janë ende duke u marrë me përgatitjet e fundit të dasmës.
Pritet që Kololli të mbajë një dasmë të madhe me të pranishëm futbollistë të shumtë, si dhe këngëtarë e artistë të njohur.
Mësohet se gjatë mbrëmjes do të performojnë këngëtarët e njohur, Shkurte Gashi dhe Meda.
