Maluma është një ndër këngëtarët më të njohur dhe ndër më të pëlqyerit nga femrat, i cili ka çmendur edhe vajzat shqiptare si Taynën apo Kejvina Kthellën. Madje, dy vajzat bënë “sherr” disa muaj më parë për shkak të një pëlqimi në Instagram që Maluma i kishte dhënë Taynës, ndërkohë që Kejvina ishte bërë xheloze.
Mirëpo, këngëtari ka plot fanse të zjarrta si Kejvina apo Tayna, të cilave me siguri do t’i ikë truri kur të mësojnë lajmin e ri.
Maluma do t’i futet aktrimit dhe shumë shpejt do ta shohim në një film me Jennifer Lopez-in.
Këngëtari do të luajë rolin e të fejuarit të Lopez-it në komedinë e ardhshme romantike që do të titullohet “Marry me”.
Filmi nis me yllin e popit, Lopez-in, e cila do të martohet me të fejuarin e saj në Madison Square Garden. Mirëpo, ajo zbulon se i fejuari e ka tradhtuar atë me asistenten e saj. Pas një krize që këngëtarja përjeton, Lopez zgjedh të martohet me një mësues matematike.
Sipas “People”, filmi bazohet në një roman grafik nga Bobby Crosby dhe thuhet se do të shkojë në prodhim në New York në muajin tetor.
Mbetet të presim derisa të shohim Malumën në rolin e tij të parë në ekran.
