Vetëm një muaj pas lirimit nga burgu, Stresi u bë kryefjala e mediave dhe të gjithë janë kuriozë të mësojnë se ç’po ndodh tani me jetën e tij.
Prej disa ditësh, reperi po përflitet për një ndarje të mundshme me partneren e tij, Keisin, pasi ata kanë fshirë të gjitha fotot së bashku dhe nuk ndiqen më në Instagram. Për më tepër, Keisi e hoqi nga bio e saj mbiemrin Lushaj dhe të dy kanë nisur thumbimet për njëri-tjetrin në postimet e tyre.
Askush prej të dyve nuk ka vendosur të flasë publikisht në lidhje me lajmet e ndarjes, duke i lënë të gjithë në pritje për të rejat nga jeta e çiftit.
Megjithatë, “InTV” ka mësuar se ndërkohë Stresi po punon për t’u rikthyer me një super bashkëpunim me reperin e njohur Don Phenom.
Burime pranë dyshes kanë treguar se djemtë do ta lançojnë këngën e re në fillim të muajit gusht dhe reperëve do t’i bashkohen edhe Anxhelo Koçi dhe Flor Bana.
Ky është bashkëpunimi i parë mes dy reperëve dhe me siguri kënga e re do të thyejë rrjetin këtë verë. Na mbetet vetëm të presim!
