Prej gati 1 muaji në internet kanë qarkulluar disa video që tregojnë për një problem shëndetësor të kancelares gjermane, Angela Merkel.
Në video ajo shfaqet duke u drishur në mënyrë të pavetëdijshme dhe nuk i kontrollon dot lëvizjet e saj.
Pas kësaj të gjithë nisën të mendojnë se Angela do të heqë dorë nga politika, megjithatë duket se diçka e tillë nuk do të ndodhë.
Në një deklaratë të dhënë së fundmi për mediat gjermane, kancelarja është shprehur se do të vazhdojë të qëndrojë në detyrë deri në vitin 2021.
“Unë i kuptoj pyetjet që lidhen me shëndetin tim, megjithatë unë atyre ju kam dhënë një përgjigje. Është e rëndësishme që unë të angazhohem me përgjegjësi për të vepruar si drejtuesja e qeverisë. Ju më keni njoftuar për një kohë të gjatë dhe e gjitha që mund t’ju them është se unë mund të vazhdoj të kryej këtë funksion”, tregoi Merkel.
Më tej ajo shtoi se do të vazhdojë detyrën e saj politike deri në vitin 2021.
“Unë do të vazhdoj të kryej detyrën time politike deri në vitin 2021, por shpresoj që jeta të vazhdojë edhe pas kësaj. Unë do të doja të vazhdonte në mënyrë të shëndetshme”, përfundoi kancelarja gjermane.
