Interneti ende zien nga buja e madhe e tradhtisë së Tristan Thompson ndaj Khloe Kardashian, megjithatë duket sikur bukuroshes nuk i intereson më.
Ajo e ka harruar gjestin e ulët të Tristan dhe tani gëzon respekt për të. Por sigurisht për këtë respekt ka një arsye të fortë, vogëlushen e saj.
Së fundmi një komentues i ka shkruar disa fjalë në foton e True dhe Khloe nuk i ka përtuar një përgjigje të gjatë dhe shumë të zgjuar.
“E di që Khloe e urren Tristan-in, por bebi True po fillon të duket njësoj si ai.”-shkruan dikush.
“Si mund të urrej dikë që më ndihmoi në krijimin e këtij ëngjëlli? Njerëzit bëjnë gabime, por unë s’kam ndërmend të pengoj shërimin tim duke u mbushur me urrejtje. Jam shumë e zënë duke rritur bebushen time për të urryer persona të tjerë. E ëmbla True gjithmonë është dukur si babai i saj. Ajo është kaq e bukur!”- shkruan Khloe.
https://www.instagram.com/p/Bz8QwUyhuiK/?igshid=xqr9z11gna01
Tristan e tradhtoi Khloen teksa ajo ishte në pritjen e ëmbël dhe ky lajm e tronditi shumë.
Mediat e huaja shkruajnë se për shkak të lajmit të rëndë Khloe pati një lindje të parakohshme.
