Modelja e njohur Afërdita Dreshaj, e cila verën e kaluar kurorëzoi me martesë dashurinë e saj me sportistin çek, Jakub Kindl, mbush ditën e nesërme plot 33-vjeç.
Megjithatë, surprizat e ditëlindjes për Afërditën kanë nisur që sot. Motra e saj, Jehona, i ka dhuruar modeles një palë shapka “Hermes” në ngjyrë të bardhë, të cilat sipas një kërkimi të thjeshtë, kushtojnë plot 740 dollarë.
“Dhurata e ditëlindjes erdhi herët. Faleminderit dashuria ime e përjetshme.”- shkruan Afërdita krahas postimit ku tregon dhuratën dhe etiketon motrën e saj.
Vazhdimisht në profilin e saj në Instagram, Afërdita tërheq vëmendjen me udhëtimet e shumta, pushimet në vende luksoze, veshjet e markave më të njohura si dhe dhuratat e shumta me të cilat bashkëshorti e llaston herë pas here.
