“Gossip Girl” do të rikthehet!
Seriali që çmendi adoleshentët në vitet 2000 do të rikthehet me një tjetër kast të rinjsh të llastur dhe ngatërrestarë.
HBO Max ka marrë përsipër të rikthejë një version të ri të serialit me 10 episode për seri.
Sipas “Hollywood Reporter”, Joshua Safran ( shkrimtar dhe producent ekzekutiv në shfaqjen origjinale) do të jetë drejtues i serialit të ri, ndërsa Josh Schwartz dhe Stephanie Savage (krijuesit origjinale) kanë nënshkruar kontratën si producentë ekzekutivë.
Nuk është ende e qartë nëse do të kthehen yjet e “Gossip Girl”, por Safran e përshkroi këtë si një “zgjatje” të shfaqjes së mëparshme, duke u fokusuar në një brez të ri adoleshentësh.
“Gossip Girl” fillimisht u transmetua nga viti 2007 deri në vitin 2012. Nuk pati shumë ratings, por kishte fansa të shumtë dhe veçanërisht në sezonet e hershme ai nxiti shumë tituj skandalozë në mediat sociale dhe këtë po kërkon HBO të bëjë sërish.
