Aktorja e njohur Hayden Panettiere kohët e fundit është duke kaluar një situatë të vështirë në jetën e saj personale.
Që pas ndarjes së saj nga ish-bashkëshorti, Wladimir Klitschko ajo po përballet me disa situate mjaft të pakëndshme.
Vajza e saj, Kaya prej më shumë se 1 viti është duke jetuar me të atin, pasi nuk mbështet lidhjen e së ëmës me Brian Hickerson.
Mediat e huaja shkruajnë se e bija e saj e kishte nuhatur se diçka nuk shkonte me të dashurin e së ëmës dhe për të shmangur debatet u largua për të jetuar me të atin.
Ajo u zhvendos në Ukrainë në vitin 2018 dhe që nga ajo kohë nuk e ka takuar më Hayden.
Sikur të mos mjaftonte kjo, aktorja së fundmi është duke u përballur me një situatë të vështirë në marrëdhënien e saj me Brian.
2 muajt e fundit ajo ka treguar në media se Brian ka ushtruar dhunë mbi të dhe prandaj ajo ka vendosur që t’i japë fund historisë 1-vjeçare.
Pas shumë ulje-ngritjeve ka ardhur edhe vendimi, i cili pritej pasi as shoqëria e aktores nuk e aprovonte lidhjen e re të saj.
Aktualisht gjykata po punon për të zbardhur ngjarjen dhe Brian është në ndjekje penale.
