Pak kohë më parë në “RTSH” u transmetuan disa këngë të artistes serbe, Ceca, ndryshe e njohur si Svetlana Ranatov.
Kjo gjë ka ngjallur shumë reagime negative dhe Autoritetit të Mediave Audiovizive i është dashur të ndërmarrë një vendim të rëndësishëm.
Nëpërmjet një postimi në Facebook, AMA ka shkruar se pas kësaj ndodhije RTSh-së i është tërhequr vëmendja për evitimin e rasteve të tilla.
“Autoritetit të Medias Audiovizive i janë drejtuar një sërë ankesash lidhur me transmetimin (e këngëve të Cecës) dhe pas vlerësimit të rastit, RTSH-së i është tërhequr vëmendja për evitimin e rasteve të tilla që krijojnë ndjeshmëri negative te ndjekësit e programeve të transmetuesit publik. […]
Për AMA, programi dhe hapësira për pakicat në RTSH që i shërben miqësisë dhe solidaritetit mes popujve dhe kulturave dhe nuk duhet të promovojë figura që me angazhime konkrete kanë treguar dhe tregojnë të kundërtën,” shkruhet në reagimin e AMA-s.
Ceca është gruaja e fundit e Zeljko Ranatovi dhe disa herë ka nxitur komente negative kundrejt Kosovës.
